نادي مايلي سايروس الرسمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


الى كل عشاق مايلي سايروس
 
الرئيسيةرواية قررت اموت بحبك العنود و خالد I_icon_mini_portalأحدث الصورالتسجيلدخول

 

 رواية قررت اموت بحبك العنود و خالد

اذهب الى الأسفل 
3 مشترك
كاتب الموضوعرسالة
noof_mailey
مشرفه نادي صور miley cyrus
noof_mailey



رواية قررت اموت بحبك العنود و خالد Empty
مُساهمةموضوع: رواية قررت اموت بحبك العنود و خالد   رواية قررت اموت بحبك العنود و خالد Emptyالجمعة نوفمبر 13, 2009 4:54 am

[center] سلام جبت لكم البارتات
ويسلمو ع ردود الاكفر من رائعه

البااااريت الثالث

3

ام عبد الله: خالد لاتعصبني لو سمحت اخوانك كلهم فرحوون وشفت عيالهم وطلال وزوجته حامل باقي انت حبيي انت الغالي ومستخسر علي فرحتي

ومستخسر علي فرحتي
ومستخسر علي فرحتي
ومستخسر علي فرحتي
ومستخسر علي فرحتي

هذي الكلمه كانت ترن في مسامع خالد من امس الى اليوم مايدري وش يسوي مايدري كيف يتصرف هوو يحس بأعجاب تجاه العنود شدته من يوم شافها اخر مره بس مو حب هوو ماوده يعيد تجربته مع نجود على العنود مالها ذنب يعلقها بعدين يقول اعجاب او انجذااب مو اكثر

وصلوو ابطالنا الطايف الحمدلله بلسلامه واخذو لهم غرف بفندق التقسيم كتالي:
1- لجنى وروان والعنود وشوق بغرفه
2- وديما الهنوف وميس بغرفه
3- ربى وريم ووعد ونوف بغرفه
4- العمه حنان والعمه بدور وعبد المجيد بغرفه
5- الرجال هاشم ويوسف وابراهيم سلمان وبندر وابو عبدالله بغرفه
6- ام راكان وام سلطان وام فيصل وام فهد وام عبدالله بغرفه
7- نواف وخالد بغرفه
8- باقي العيال كلهم بغرفه
9-
اول ماوصلو كلهم خذوو شوور سريع ونااموو عشاان بليل يمديهم يصحون ويطلعون
طبعاا مقررين يطلعون يتعشون ويرجعون عشان بكره يصحون بدري ويروحون الملاهي

ديما فتحت عيونها : اف الساعه 7 ومحد صحانا التفتت على الهنوف وميس:هنووووووووووووووف ميييييييييييس الساعه7 يله قووموو الله يعين على العيال مين بيصحيهم
الهنوف وميس نطو من مكانهم يطالعون الساعه
ميس: عندي حل قومي روان والعنود وجنى وهم يصحونهم
ديماا : فكره بدق عليهم
الهنوف : بروح اتجهر
البنات : اوك
العنود صحت الساعه 7 ودخلت اخذت شور سريع وتجهزت صحت روان ودخلت اخذت دش اما جنى للحين نايمه
العنود : جنى جنى
جنى : همممممم
العنود : يله قومي ديما دقت من شوي تقول اجهزوو بنطلع
جنى : صحي روان اول بعدين اناا
العنود : روان قامت
حنى : اوك وينهاا
العنود : بلحمام
جنى: خلاص لين طلعت صحيني
طلعت روان من الحماام: هذاا اناا طلعت يله تحركي
جنى قامت الحمام
العنود : اقول روان
روان هلا
العنود : ديما قالت صحوو العيال روحي صحيهم
روان وهي تفتح عيونها على الاخر: الحين انتي الي جاهزه مارحت اروح انا الي مات جهزت عشان يذبحوني
العنود : اوك بروح بس اخلصي
طلعت العنود طبعاا الغرف ماكانت جمب بعض عشاان كان الفندق زحمه فكان بين البنات والرجال دور .. وصلت العنود دو رهم وهي رايحه طبعاا ما كانت حاسه بلعيون الي كانت وراهاا وتتبعهاا
الشاب : اقوول ياقمر وين رايح انا اوصلك
العنود ماردت وكملت طريقها مالها خلق مشاكل وخصووصا انها بلدور الي فيه ابوها واعمامهاا وكانت خايفه ان يطلع ابوها وقول وش مطلعك وكذااا فقررت تطنش وتكمل طريقهاا
الشاب : ياهووه ياعيوون يا معذبني انا
العنود مطنشه
الشاااب : يارمااااااادي انت ولوو لهدرجه مو مالي عينك ترى انا حلوو التفتي شوفيني
العنود ما قدرت اكثر من كذاا والتفتت عليه وقالت: استح على وجهك يا وقح ترى انا بنت ناس ومتربيه وما اعطي هلأشكال وجه وتركته
الشاب : ولوو ما بغيتي تلتفتين اهم شي شفتـ....
قتطعه صوت خالد وبعصبيه:حدك يا قليل الادبــ.....
قاطعه الشاب:شوف عاد انت الي حدك انا لقيتها قبلك عطني رقمك لاخلصت انا منها اعطيك خبر وبعدها اشبع فيهاا
خالد خلاص وصل حده وعطاه بقس في وجهه وبعد عنه وقال: ماتستاهل اوصخ يدي فيك
الشاب خاف طبعاا وراح وتركهم التفت خالد على العنود الي كانت متلثمه هي ماكانت حاطه كحل كثير يعني خط بسيط بس ومع كذا كانت جناا عيونهاا
خالد كان واصل حده من الشاب وقال بعصبيه للعنود : ثاني مره لاطلعتي خذي وحده من البنات معك لا اشوفك بلحالك وحطي الطرحه على لثمتك فاهمه
العنود كانت من جد مصدومه من الموقف وما حبت تعلق على الموضوع بس قبل ما تحط الطرحه على وجهها عطته نضره وغطت وجهها ومشت عنه وراحت لغرفت عمها نواف
العنود لقت الباب مفتوح ودخلت : هاااي عموو
نواف : هلا وغلا
العنود : هلابك يله قووم البنات جاهزين يله
نواف : مشينااا
راحوو وتعشوو وانبسطوو الا اثنين العنود الي مقهوره من طريقة خالد بلكلام معهاا .. وخالد الي كان يفكر ليش صرخ عليهاا وش ذنبهاا هي

عند الحريم
ام عبدالله: اقوول يا ام فهد البنات قاموو
ام فهد: ايه يتجهزون يقولون اليوم بيروحون الملاهي
ام راكان: هاشم داق علي يقوول اليوم مدام العيال بياخذون البنات الملاهي خل نطلع نتمشى شوي
ام فيصل: ليش لا
ام سلطان : ايه والله نغير جوو بعد
ام نوف : قلتوو لـ امي وابوي
ام محمد (حنان): ايه توني مكلمه امي تقول ليه ما نطلع احسن بعد
ام راكان: اجل مشينا يله نتجهز

في الملاهي عند البنات والعيال
نواف: اسمعوو البزراان يروحون مع شغالاتهم سامعين ولا لا
وعد : ترى اكيد ما تقصدني
نواف: الي على راسه بطحى يحسس عليهاا انا ما قلت انتي انتي الي قلتي
وعد : عمييييييييييييييييييييييييييييييييييييي انا بروح مع نوف
نواف : ونوف بعد بتروح معك بس مع البزران سامعين
نوف : هااه نعم نعم نعم وش قلت ما سمعت عيد
نواف : من قال هااه سمع ولا تخلوني اعصب كلكم مع بعض سامعين
العنود : نوف اهجدي خلاص زي ما قاال
نووووووووف : مااااااااااااااااااااااااااااااااابي انتي وش دخلك
العنود: وش قلت انااااا انااا العنود بنت يوسف وش دخلني مسكينه انا اتدخل واسوي الي ابي فاهمه .. لما قالت اخر جمله من كلامها طالت في خالد وعطته نظره
تقسموو البنات مع بعض والعيال والبزران مع بعض ووعد ونوف مع بعض طبعاا بعد محاولات يقنعون العنود عمهم نوااف

البنات عند قطاار المووت
روان : يله عنوود بليز اركبي
العنود: لو تموتون وربي اخاااااف مستحيل
جنى : بلا دلع يله
ديما : عنوود عطلتينا يله بيبدون بليز يله
شوق : عنود خلاص عااد صادقين عطلتينا
العنود : احد قالكم انتظروني قلت لا يعي لا
ميس: عنووووووووووووووووووود يله
العنود : نو
دعاء بنفاذ صبر: اسفهوها يله نركب
العنود استغربت اسلوبها بس قالت يمكن تمزح <<مسكينه تحسيها مثل باقي بنات عمهاا
شوق: جواب نهائي يعني نركب خلاص
العنود: ايه خلاص اركبوو والله جد ما ودي اخرب عليكم بس اخاف
استسلموو لانهم عارفين العنود اذا قالت لا يعني خلاص ما تقدر فراحوو يركبون
الا العيال يصارخون علىالهندي حق العبه: وقف وقف بنركب
وقف الهندي وركبوو كلهم ما عداا راكان مو خايف بس عشان شاف العنود قال مالي خلق وراح لهاا:هاااااااي عنوودة
العنود : هابااات
راكان :ممكن اجلس
العنود: ولوو وش دعوه تستأذن مني احنا اخوان
اخوان

اخوان
اخوان
راكان كان يفكر يوم قالت اخوان تقصد ولا لا مستحيل تكون ما تحبني كيف ؟؟ معقووله ما حست فيني لا مو معقوول اكيد ما تقصد
العنود: راكاان كوناا وين وصلت
راكاان : معك
العنود : الي ماخذ عقلك يتهنى به
راكان تنهد في نفسه آآآآآآآه بس مين غيرك ماخذ عقلي غيرك: ابد سلامتك بس كنت مزكز مع العيال شوفي سلطان كيف ههههههههههه
العنوود:ههههههههههههههههههه
راكان في نفسه فديت الضحكه: دووم الضحكه
العنود : وياااك هههههههههه شووف سعوود هههههههههههههههه
راكاان ماتدري انها تعذبني آآآآه: ايه من جد ههههههههههههههههههههههههههه

خلصوو العبه ونزلوو طبعاا خالد كان يطالع راكان من يوم ما اعتذر انه ما يلعب الين وصل للعنود وجلس معها وكان يتقطع يبي يعرف وش كان يقوول لهاا او وش تقول له ليش يضحك معهاا الي ماتعرفونه ان خالد امس بلصدفه وهم في المطعم سمع راكان وسلطان
راكان : آآآآآآآآآآآآآآه يا سلطان بس لو تحس فيني
سلطان : الله يعينك يااخوي بس
راكان: اقول توس<<دلع سلطان >>وش تحس العنود تدري وتحبني ولا ما تدري وماتحبني ولا تدري بس ما تحبني
سلطان : اذا انت بكبرك الي تحبهاا مو حاس تبيني انا احس قويه هذي
راكان : لا تلومني ياخوي بس تدري شكل فيها شي احد مضايقهاا انا اعرفها زين
سلطان بطنازه: وش رايك نروح نسألهاا
راكان: صدق انك فاضي احر ما عندي ابرد ما عندك
سلطان : وش تبيني اقوول يعني بس انا انصحك بكره لين رحنا الملاهي اجلس معهاا وحاول تكلمها وتجرب حظك وتشوف احساسها
راكان: رايك
سلطان : ايه هذا رايي
راكان وهو يطالع في العنود ويكلم سلطان: بس لو اعرف من مضايقها اذبحهه
خالد كان يمشي وسرحان فيها انا ليش افكر فيها بس انا ما احبها لا احبها لا ما احبها الايقاطع افكاره نواف: شوفهم مو هذي العنود وهذاا راكان
سلطان : الاهم
نوا ف : يله مشينا لهم
البنات واللعيال: يله
نواف بمزاح: اوووووه اجل قطعنا عليكم الجو الرومنسي حتى ماحسيتو ان اللعبه خلصت
صحيح نواف قالها بمزاح بس ما يدري كيف اثرت هذي على نفس خالد وكيف تضايق وحس ان الغيره بتذيحه والي قهره نظرات العنود له ليش كذا تعاملني بس عشان عصبت عليها بس انا ما كنت اقصد
راكان: وش دعوه عمي أي جوو
العنود: لا والله بس كلامه يضحك يجنن
يجنن كلمه ادخلت السروور والفرح على قلب راكان وحس انه طاير من الفرح وقتلت خالد من القهر والغيره
فيصل: مطولين
فهد: والله ان خويي وتوئمي صاادق
نوااف بطنازه: والله ما خبرت ان التوائم يجون كل واحد في بطن
فهد: انت وش فهمك يقصد توئم روحه مثلك انت وخالد فهمت
نوااف: تكفى عاد يعني شايفني عبد المجيد عندك

كملو لعب لين ما داخوو وبعدين تعشوو و رجعوو للفندق وعلى طوول نامووو

الظهر العنود صحت من النوم ولقت روان صاحيه قالت لها وش رايك نروح تحت وناكل لناشي ووجلست تسولف معاهاا الاتشوف عمهم نواف هوو خالد جالسين ياكلون طبعاا سلموو عليه وخلاهم وراح جلس مع خالد على طاوله عشان يخذون راحتهم العنود طبعاا ما طالعت في خالد ابد بس من غير قصد وهي جالسه تسولف مع روا نجت عينها بعينه صدفه لان طاولتهم قبال بعص وطبعاا عنود ماتخلي حركاتها وعطته نظره
العنود : روان
روان : هلا
العنود : بقولك شي
روان : امري بس شي عاادي ياقلبي قولي اشياء
العنود : مايامرعليك عدوو تسلمين يا قلبي وكملت امس يوم نزلت اصحي العيال تذكرين
روان : ايه وش السالفه؟؟
قالت العنود لروان السالفه من يوم طلعت الي يوم رجعوو من الملاهي
روان: حراام عليك صرااحه مالك داعي الولد يدافع عنك وحتى لو صرخ بوجهك ما الومه كان مقهور من الوقح الي تقولين عنه يعني مايمديه يهدي اعصابه
العنود : ولو مهما كان ابوي لين صارخ علين انقهر وازعل شلوون لو واحد ما اعرفه يسويهاا
روان : لاتقولين ما اعرفه اول شي خالد من متى نعرفه ابوه صديق اعمامي واخته صديقتناا وهو بكبره صديق عمي نواف كل هذاا ومانعرفه
العنود: لاتلوميني ماتعودت عليه يعني ما اذكره ال يوم كان صغير وبعدين سافر ويوم جاا يصارخ علي انا حسيتها من متى الميانه الاخ يمون
رواان: ايه يمون ولا تحاولين تبررين غلطك هووصادق واناا معه ومفرووض تعتذرين منه وتشكرينه على الي سوااه
العنود : اشكره اوك اعتذر قويه تخيليني مناديته اقوول سووري خالد ماكنت اقصد اناظرك كذاا
روان : لاخلاص موقف وعدى بس لدتطالعين فيه وخلاص وثاني مره لو صار لك موقف معه او مع غيره زي كذاا لاتنقهرين واوتزعلين لانه عصب وصرخ مفروض تفرحين انه كان خايف علي ويدافع عنك هذاا دليل ان وراك رجاال
العنود: رواان انا امووت عليك والله تسلمين حبيبتي
روان : انا ما ادري من غيري وش بتسوين احس بتنتحرين
العنود: ياواثق انت
رواان: اكييييد يحقلي مو عنوود الي تقوولي امووت فيك
العنود بتردد: رواان
رواان: هلا
العنود: اممم يعني ماودي يعني تقولين لشووق يعني تعرفين اخوهاا ماله داعــ.....
روان قاطعتها: عنود حبيبي لاتقولين أي شي تقولين لي اعتبريه دخل بير ومراح يطلع منه وموشووق بس الي مرح اقولهاا حتى جنى والبنات لان ماله دااعي ابد يعني كل الناس تدري
العنود: الله لايحرمني منك
روان : ولا منتك
العنود : نمشي خلاص طولناا نروح نصحي البنات ونشووف
الرجوع الى أعلى الصفحة اذهب الى الأسفل
noof_mailey
مشرفه نادي صور miley cyrus
noof_mailey



رواية قررت اموت بحبك العنود و خالد Empty
مُساهمةموضوع: رد: رواية قررت اموت بحبك العنود و خالد   رواية قررت اموت بحبك العنود و خالد Emptyالجمعة نوفمبر 13, 2009 4:58 am

والبارت الرابع
الباريت الرابع

4

عند الرجال

الجد ابو هاشم: اقوول يا عيال ما كننا طولنا في الطايف
هاشم: وانت الصادق بيه
سلمان: انا اقوول هناا حوو والجو احلى
بندر: وانت الصادق احد يشوف هلجوو ويعاافه
يوسف : انا اقول خلاص مع ابوي وهاشم يعني باقي جدة مارحنا لهاا والشقق حقتنا ما شفناها من سنتين
الجد: وهو صادق ابو عبدالاله جدة والشقق ما شفناها من سنتين انا اقول نمشي بكره الفجر لجده
سلمان وبندر: امرنا لله نمشي الفجر ليش لا
الجد : الا العيال و البنات وينهم ؟؟
يوسف : اذكر العنود قالت لي بتغدى انا وروان ونرجع نصحي البنات عشان نروح نركب التلفريك واتوقع العيال معهم مرح يخلوونهم لحالهم
الجد : زين زين دام العيال معهم



عند الحريم



تهاني ام راكان : والله ما لقاها الاهلعيال رايحن وراجعين فالينها اما احنا لنا الله
ام عبد الله: اذكري الله يامره تحسدينهم يجيهم شي
ام راكان: لا تخافين عليهم عيني بارده ما احسد
ام فيصل تقاطعهم: اقول بداال الهذره الزايده وحده فيكم تكلم رجلهاا <<زوجها>> يقول للرجال يطلعونا
ام فهد: وهي الصادقه ام فيصل
ام عبد الله: اناا بكلم سيف واشوف وش ريايهم
الحريم : اوك


عند البنات والعيال


دعاء من يوم ما شافت خالد وهي حاطه عينها عليه اما اليوم شي ثااني كانت جد ما تستحي اكلت الولد بعيونها لدرجة انا خالد لما ينتبه لها تطالع فيه يجلس يصرف يسوي أي شي خالد كان حاس فيها من قبل بس كان يطنش اما اليوم طفح الكيل منها وهي اصلا موداخله مزاجه من يوم شافها ذاك اليوم في الفندق تاخذ رقم من شاب طبعاا خالد ماتدخل ابداا تدرون ليش لانه شافها معطيته وجه وتسولف وتضحك معاه

دعاء تكلم صاحبتها ساره: تتخيلي سوسو اليوم من جد خلودي طالع يهبل<<تدلع بعد الاخت
ساره : امانه صدق ودي اشوفه الا صح احلى من فراس الي تقولين اخذتي رقمه
دعاء : اف احلا بكثير اقولك خالد ملاااااااك بس قاهرني ما يعطيني وجه تصدقين من شوي حرقته بنظراتي له وادري انه حاس فيني بس يتغلى بس ما اكون دعاء بنت هاشم الـ.... ان ما خليته يموت بتراب الارض الي امشي عليهاا
ساره : يا وااثق انت
دعاء: يحقلي
ساره : اكيييييييد
دعاء: الا صح ما قلتلك اليوم جلست مع ام خالد وتميلحت عليها مررررره خليتها تمدحني
ساره: طيب ليش؟؟\
دعاء: فتحي مخك معي عشاان تخطبني لخالد طبعاا اجل ليش
ساره: والله انك دااهيه
دعااء: اجل ايش خبله مثل بنات اعمامي ولا العنود الي مسويه طيبه مالت عليها وهليهم كلهم
ساره : ايه صح اخبارها العنود كبرت اكيد طلعت حلوه من صغرها تجنن
دعاء: مالت من زينها وش تبين فيها ما دري الناس يحبونها على ايش
الا جت عندها ميس : اقوول دعاء ترى بنروح نركب بتجين
دعاء بأبتسامه مصطنعه : ايه وانا اقدر استغني اكيد بجي
دعاء: يله سوسو بااي اكلمك بعدين
ساره: بااياات الله يعينك عليهم
دعااء: امين


عند نواف والبنات


نواف: هاه يابنوتاات يله تفرقوو عشان تركبون
العنود بدلع: عمووو قلبوو
نوااف يسوي انه خااق: عيوون عموو وقلبه ورووحه
العنود : تسلم العيون والقلب و الروح وصاحبها
نواف : امريني
العنود: نركب انا وجوجو <<دلع جنى>> ونونو<<دلع روان>>
نواف : بس كذاا
العنود : بس
نواف : وخالد مع مين يركب
العنود: امممم أي مكان
نواف: انتي عيوني وقلبي وروحي صحيح بس خالد حياتي
روان وجنى وهم يطالعون في خالد: ياهوووووه والله منت سهل يا خالود نواف الي موت على العنود صرت انت بغلاتها ويمكن اغلا
خالد: يحقلي مووو
نواف : ايه يحقلك
العنود: طيب وش قلت
نواف : اسألي خالد اذا قال اوك ممكن اذا نضطر نحذف وحده من الست هالي انتي اخترتيهم
العنود: الله لسته ترى كلهم ثنتين بس امري لله نسال خالد

العنود كاتن تطالع روان وفي نفسها تقول احس اني اما استحي الولد دافع عني وما شكرته وكنت بلعكس كني اعاقبه اجلس اطالعه نظرات استحقار وفي النهايه اجي اطلب منه يوخر من مكانه عشان حظرتي اجي اجلس انا وبنات عمي والله مو حلوه فحقي احسن لي ابطل

العنود: عموو خلاص هونت نركب مع بعض انا والبنات وانت مره ثانيه تتعوض خلك مع خالد
نواف: اوك على راحتك
خالد كان مقهوور من حركتها لهذي الدرجه تكرهه مو طايقته حتى ماودها تستأذنه تركب مكانه الا يصحى خالد من افكاره على صوت دعاء تكلم اخوهاا: اقول كونا ممكن اجلس مكانك ودي اركب مع عمي نواف من زمان عنه
راكان : امممممممممممممم على حسب المكان الي برووح له انتي مع مين
دعااء فهمته : لا تخاف مكاني تمااااااام عند الحبايب
ركان ببتسامه : اجل المكان لك ونزل بسرعه

طبعا نواف ما كان فاهم شي بس خالد الي من قلبه مقهور من العنود الي مطنشته ومن دعاء الي اشبه له ومن راكان الي يلاحق العنود

رجعوو للفندق وقال لهم الجد انهم بيمشون جده الفجر وتجهزو ومشوو الفجر ووصلوو جده ونااموو لانهمك انو تعبانين من الطرق صحوو اليوم الثاني وقررو يركبون دبابات وتقسموو طبعاا

فيصل ركب اخته ربى معاه :ربى لاتتحركين كثير عشان ما نطيح
ربى بخوف: فيصل بليييييييييييز لاتسرع يخوف

اما فهد ركب اخته ريم :ريييييييييييم والله لو تقولين ثاني مره بسوق بنزلك على جمب
ريم: سووري فهوودي بس ونااااااسه اسرع اسرع

وديما والهنوف وميس وروان والعنود وجنى وخالد ونواف ركبوو كل واحد بلحاله

العنود بصراخ عشان يسمعون بعض: دعااااااااااء لا تجين من جهتي بدباابك
دعاء بنفس الصراخ: لاااااااء اعترفي انك خوااافه ياخوااااااااااااافه
العنود: اصلا ما اخاف الا من الي خلقني
دعاء: باين
العنود بثقه: كيفك لاتصدقين
دعاء بخبث: اوك تبيني اصدق
العنود: ايه
دعاء: اتحدااك اتحدااك ان كنتي العنود بنت يوسف الـ..... تروحين من هذيك الجهه بلحالك
العنودطالعت الجهه الي تأشر عليها دعاء باصبعها وبخوف قالت: اوك بروح وانا بنت ابوي


العنود ماتحب احد يتحداها يعني لازم تسوي التحدي ولو على موتها طبعاا ماتدرون\دعاء وين كانت تأشر كانت تأشر على جهه مظلمه وعمهم نواف حذرهم مايروحون هناك بلحالهم لاننها ما فيها الا نوورخافت بسيط يعني من جد تخوف وثاني شي لو ضاع فيها احد مايلقوونه بسهووله الا ان يشاء الله



العنود مشت بلدباب حقها وهي ميته خوف تحس خلاص ما ودها تكمل بس قالت لا اخليها تتشمت فيني لا بكمل وان شاءالله ربي بيحفضني كانت تمشي بدبابهاا وهي تسمي وتقراا خاايفه مووت الا تسمع من وراها صوت دبااب كان يمشي وراها بس بشويش ما يبيها تحس فيه العنود اول ما حست بلي وراها كانت خايفه ماودها تلتفت وتدعي ربها ما يكون يلحقها او يكون احد تعرفه من اهلها بس هيهات ياالعنود

الي وراها : اقوول ياحلوه وقفي على جمب خل نتعرف
العنود نشفت من الخوف ولا ردت انربط لسانها
الي وراها: على العموم ماتبين تقولين اسمك نا بقولك ياقمر انا اسمي سليمان
العنودد لارد

سليمان زااااااااد سرعة الدباب لين سبقها ووقف قدامها وقف دباب العنود بسرعه نزلت من الدباب وراحت تركض عند النور تبي تهرب منه بس نزل بكل سرعته ولحقها وبيده سحبها ووقفها قداامه وقال: شوفي ياقمر انا بتركك بس على حسب لوكنتي شينه تركتك ما احب انا الشيون بس لو كنتي حلوه مرااح اتركك الا لما اخذ الي ابيه منك

العنود كانت تبكي بصمت ماتدري وش تسوي انربط لسانها ماقدرت ترد عليه .. سحب سليمان طرحت العنود تناثر شعرها على اكتافها وكانت من جد ملاك مع ان العنود من يوم ما خالد صارخ عليها ذاك اليوم وهيي ماتحط الاكحل وخط بسيط ما يشوفه الا الي يكون قريب منها

سليمان: يابخت ياسليمان وربي ملاك قداامي صدقت يوم سميتك قمر بس سووري يا قمر مرااح اقدر اتركك
العنود اخيراا نطقت : ااترجاك ما تلمسني الله يخليك
سليمان: سووري ياقمر انتي تطلبين المستحيل.. مد يده يبي يفتح ازراار عبااية العنود بس فيه يد كانت اسرع منه وسحبت يده ولفته من الجهه الثانيه يعني صار معطي العنود ظهره ومقابل الي سحبه

سليمان بستهزاء: خير يا الاخووو بغيت شي
خالد : ايه بغيت .. وعطااه بقس على وجهه والثاني في بطه والثالث على كتفه لين ما اختل توازن سليمان وطااح على الارض بداا خالد يطلع حرته وقهره فيه وشوته وشوته لين نزل الدم منه بعدين قاال: والله مو مستعد الطخ يدني وسمعتي وادخل السجن عشاان وااحد مثلك


العنود كانت مو مصدقه الي تشووفه قداامه تحسه حلم هذي ثااني مره خالد يساعدها فيهاا من غير ما تحس رااحت تركض ارتمت بحضن خالد وجلست تبكي وتبكي تبي تطلع كل الي فيهاا


خالد بحنيه يمسح على راسها : عنوود حبيبتي سكت فتره مايدري كيف قالها او كيف طلعت منه وكمل خلاااص انتي ما فيك شي الحمدلله تماام ماابي اشووف دموعك تراهاا غاليه علي
العنود وهي تبكي بشهقاتهاا: خا....لـ...د انا اسفه ادري غلطت عليك كثير بس......
قاطعها خالد: ما ابي اسمع شي خلاص ادري مو قصدك

العنود حست انها كانت بحضنه وخرت بسرعه لانها استحت مره ماتدري كيف سوتها ابتسم خالد على حركتها

وقال: انا بقول لك شي
العنود وهي تمسح دموعهاا : سم
خالد كان متردد بلاول كان خايف اول شي انه زي قبل مو حب حقيقي بس اليوم تأكد ولقاها فرصه لانها ممكن ما تتكرر مره ثانيه كان خايف من ردها بس لازم لازم مايقدر يسكت اكثر من كذاا: انااا اناا يالعنود اااء اااااء غمض عيوونه وقال: احبــــــــــــــك
العنودد لا اجابه اليوم صدماتها كبيره
خالد يوم يأس من انها بترد عليه قال: ادري فاجأتك وادري الوقت مو مناسب اني افتح معك موضوع زي كذاا بس هذي فرصتي انا ادري انك مصدوومه ولا ابي رد منك الحين وحتى لو رديتي علي انك مو متقبلتني ولاتبيني وهذاا الي انا حااسه من نظراتك قبل لي وتجاهلك بس على الاقل خففت من الي في داخلي

العنود الى الان في صدمه لا رد

خالد : العنود يله نمشي لازم نرجع قبل ما يفقدك نوااف
العنود : يله بس
خالد : بس ايش
العنود: طرحتي الحقير الي كان مو جود وتذكرت الموقف ورجعت تبكي تحس جسمها مولع ناار وكملت طيرها مدري وين

خالد كان بعيد نوعا ما عنها لما شافها رجعت تبكي ما قدر يجلس مكانه ورجع لها يحاول يهديهاا حطت العنود راسها على صدر خالد خالد كان على انه كان متضايق على شانها بس في نفس الوقت مبسوط على حبيبته الي تحس بأمان في حضنه ورفع راسها بيده وقال: مو قلت لك قبل دموعك غاليه ما احب اشوفها تنزل وخصووصاا على واحد ما يستاهل انها تنزل عشاانه

العنود بين شهقاتهاا : ادري بس ما اقدر احس جسمي مولع نار من اتذكر مو قاادره اتحمل اكثر من كذاا
خالد : وهو يلمها بين ذرااعه وبيده يمسح على شعرها خلاص خلاص هدي هذاا هووطقيته لك لين بغى يمووت وبعدين بتضلين تبكين لين متى ومد يدده يمسح دمعه من دموعها وقاال : غااليه وربي غااليه مثل راعيتها
العنود حست انها مصختها جالسه في حضنه وخرت عنه بسرعه وقالت بصوت باكي : مشكور خالد
خالد : ماله دااعي الشكر ما سويت الا الواجب تعاالي ندور الطرحه بسرعه عشان نرجع لهم
العنود : يله
دووروو الطرحه لين لقوها اخذتها العنود وتلثمت ورجعوو عند الدبابات حقتهم
خالد : اقول العنود
العنود: هلا
خالد : الدبااب خربان شكل من الصدمه خرب او البانزين خلص
العنود: لا هوو وقف قداامي وصدمت فيه واتوقع عشان كذا خرب
خالد : اجل تعاالي اركبي ورااي خل نطلع من هنا بسرعه
العنود استحت مره كيف تركب ورااه مرره فشله :روح جيب دباب ثاني وانا استناك هناا

خالد عرف انها اسحت وهوو عارف ان العنود ما ترضى احد يفرض عليها شي ماتبيه وحب يخوفها عشان تركب ويمشون بسرعه قبل لا نواف يفقدهم : بس ترى بكيفك لو جااك احد ثااني مثل الي توو مافي احد يفكك منه
العنود بخوف: خلاص هونت لاتروح بركب وراك
ركبت ومشى خاااالد لين وصلوو عند النور وقف خالد بعيد عن العيال والبنات شوي عشان ما ينتبهون وماحب يحط العنود بموقف مو زين لهاا ونزل من الدباب وقال: خذي الدباب انتي وانا بروح اكمل مشي لين اوصل لكم اوك وانتبهي على نفسك مره ثانيه زين ولاتخافين الي صار من شوي مرااح احد يدري عنه غيري انا وانتي والله سبحاانه الله يحفضك

العنود كانت تسمع كلام خالد ودموعها تنزل وحده ورى الثانيه بصمت لو احد غيره وربي ما يسوي معها الي سواهه خالد وقالت بصوت واضح انه بااكي مع انها تحاول تخفي بكاها: شكراا على كل شي واسفه مره ثانيه
خالد: افاا وش قلناا مو قلنا الدموع مانبيها العفوو ولاشكر على واجب ويله امسحي دموعك وكملي طريقك عند بنات عمك

انتهى البارت الرابع
[i]
الرجوع الى أعلى الصفحة اذهب الى الأسفل
مجنونة الهلال

مجنونة الهلال



رواية قررت اموت بحبك العنود و خالد Empty
مُساهمةموضوع: رد: رواية قررت اموت بحبك العنود و خالد   رواية قررت اموت بحبك العنود و خالد Emptyالسبت نوفمبر 14, 2009 9:28 am

مشكورة بس حطي البارت الخامس والسادس الخ ابسرعه مشكورة مرة ثانيه

ـــــــــــــــــــــــــــــــــــــــــــــــــــــــــــــــــــــــــــــ
رواية قررت اموت بحبك العنود و خالد 12582135891
الرجوع الى أعلى الصفحة اذهب الى الأسفل
noof_mailey
مشرفه نادي صور miley cyrus
noof_mailey



رواية قررت اموت بحبك العنود و خالد Empty
مُساهمةموضوع: رد: رواية قررت اموت بحبك العنود و خالد   رواية قررت اموت بحبك العنود و خالد Emptyالإثنين نوفمبر 16, 2009 5:47 am

يسلمو ووو ع الرد وتم
الرجوع الى أعلى الصفحة اذهب الى الأسفل
جوجو

جوجو



رواية قررت اموت بحبك العنود و خالد Empty
مُساهمةموضوع: رد: رواية قررت اموت بحبك العنود و خالد   رواية قررت اموت بحبك العنود و خالد Emptyالجمعة سبتمبر 17, 2010 8:05 am

Surprised واوشكرا Surprised
الرجوع الى أعلى الصفحة اذهب الى الأسفل
 
رواية قررت اموت بحبك العنود و خالد
الرجوع الى أعلى الصفحة 
صفحة 1 من اصل 1
 مواضيع مماثلة
-
» رواية قررت اموت بحبك العنود و خالد
» رواية قررت اموت بحبك العنود و خالد
» روايةقرت أموت بحبك (العنود و خالد) روايه رومنسيه جريئه روعه من تأليفي
» كلمات اغنية خالد بو صخر ( غشيم )

صلاحيات هذا المنتدى:لاتستطيع الرد على المواضيع في هذا المنتدى
نادي مايلي سايروس الرسمي :: النوادي العامه :: نادي القصص والروايات-
انتقل الى: